Belarusun hüquq-mühafizə orqanları əldəqayırma bomba hazırlayan və partladan məktəbliləri saxlayıb...
Poliqon xəbər verir ki, bubarədə ONT dövlət telekanalı məlumat yayıb. Onların “Qərbin ən güclü kəşfiyyat orqanlarından birinin” sorğusu sayəsində müəyyən edildiyi iddia edilir.
Telekanalın məlumatına görə, Belarus DTK-ya “nasist ideologiyasına malik və İŞİD-i dəstəkləyən” bir sıra Telegram kanalları ilə bağlı sorğu daxil olub. Fərdi fəal iştirakçıların məlumatları Mogilev və Vitebskdə qeydə alınıb.
ONT-nin məlumatına görə, müttəhimlər cinayəti etiraf edərək, bombaların necə hazırlandığını açıqlayıblar. Onlardan biri Telegram kanallarında məsələ ilə bağlı “çoxlu Ukraynayönlü yazılar”, “Rusiyaya nifrət” çağırışlarının və Qərblə bağlı müsbət məlumatların olduğunu bildirib.
Partlayıcı maddələrlə bağlı qanunsuz hərəkətlər və terror aktına hazırlıq maddələri ilə cinayət işi başlanıb.
Poliqon.info