Avropa İttifaqı ölkələri Macarıstanın Ukrayna münaqişəsi ilə bağlı mövqeyi və Budapeştin Kiyevə yardım göstərməsinə müqaviməti fonunda onun nümayəndələrini Avropa Komissiyasında yüksək vəzifələrə buraxmamaqla bu ölkəni cəzalandırmaq niyyətindədir...
Poliqon xəbər verir ki, bu barədə Politico nəşri mənbələrə istinadən yazıb.
"Macarıstanın baş naziri Viktor Orbanın Ukraynaya qarşı davamlı maneəçilikindən bezən Aİ liderləri ölkə nümayəndələrinə növbəti Avropa Komissiyasında aşağı səviyyəli mövqelər verməklə onu cəzalandırmağı planlaşdırırlar", deyə nəşr yazıb.
Qəzet qeyd edir ki, Orbanın Rusiya prezidenti Vladimir Putinlə isti münasibətləri və Ukraynaya qarşı olan mövqeyi Budapeştin Avropa Komissiyasında əsas yeri almayacağı anlamına gəlir.
Nəşr oxuculara xatırladır ki, Macarıstan iyunda Avropa Şurasına sədrlik edəcək və bu, Budapeştə gündəliyi müəyyən etmək səlahiyyəti verəcək. Rəsmi Budapeşt həmçinin Avropanın Genişlənmə və Qonşuluq Siyasəti üzrə komissarı Olivier Varhelyinin namizədliyi Orban tərəfindən irəli sürüldükdən sonra 2019-cu ildən tutduğu vəzifəsində qalacağına ümid edir.
Nəşr qeyd edir ki, Varhelyi artıq Aİ-yə namizəd ölkələrlə bağlı siyasətə xələl gətirməkdə ittiham olunur.
Bundan əvvəl Macarıstanın Xarici İşlər və Xarici İqtisadi Əlaqələr Nazirliyinin rəhbəri Peter Siyarto bildirmişdi ki, Budapeşt Avropa Sülh Fondundan Ukraynaya hərbi yardım üçün 6,5 milyard avro ayrılmasına qarşıdır.
Poliqon.info
Digərxəbərlər
Populyar xəbərlər
