Suriya prezidentinin ofisindən verilən açıqlamaya görə, prezident Bəşər Əsədin həyat yoldaşı Əsma Əsədə kəskin miyeloid leykemiya diaqnozu qoyulub...
Poliqon xəbər verir ki, bu barədə "RİA Novosti" Agentliyi məlumat yayıb.
"Birinci xanım Əsma Əsədə bir sıra simptomlar və klinik əlamətlər (xəstəliyin) diaqnozu qoyulduqdan və hərtərəfli tibbi müayinələrdən keçdikdən sonra ona kəskin miyeloid leykemiya diaqnozu qoyulub", deyə məlumatda bildirilir.
Qeyd edilir ki, birinci xanım müvafiq sosial məsafəni qoruyacaq və müalicə planının bir hissəsi olaraq ictimai tədbirlərdən müvəqqəti olaraq uzaqlaşacaq.
2018-ci ilin avqustunda Əsma Əsədə döşün erkən mərhələdə bədxassəli şişi diaqnozu qoyulub. 2019-cu ilin yanvar ayının sonunda həkimlər onun çıxarılması üçün uğurlu əməliyyat keçiriblər. 2019-cu ilin avqustunda prezident sarayının ofisi Əsma Əsədin xəstəliyə qalib gəldiyini elan edib.
Poliqon.info