Türkiyə və ABŞ nümayəndələri Ankarada terrorla mübarizə məsələlərini müzakirə ediblər...
Türkiyə və ABŞ nümayəndələri Ankarada terrorizmlə mübarizə məsələləri üzrə məsləhətləşmələr aparıblar.
Poliqon xəbər verir ki, bu barədə TRT telekanalın diplomatik mənbələrə istinadən məlumat yayıb. Məlumata görə, Ankaraya gələn Amerika nümayəndə heyətinə Dövlət Departamentinin terrorla mübarizə departamentinin koordinatoru Elizabet Riçard başçılıq edib.
Telekanalın məlumatına görə, iki ölkıə arasında milli təhlükəsizlik məsələri, terrorçu Kürdüstan Fəhlə Partiyası (PKK), İŞİD, eləcə də ABŞ-da yaşayan Fətullah Gülənin rəhbərlik etdiyi FETÖ təşkilatı ilə mübarizə ilə bağlı məsələlər görüşdə müzakirə edilib.
Diplomatik mənbələrdən verilən məlumata görə, məsləhətləşmələr bu ilin martında Türkiyə ilə ABŞ arasında strateji əməkdaşlıq mexanizmi çərçivəsində əldə edilmiş razılaşmalar çərçivəsində baş tutub.
Poliqon.info