Ukraynanın keçmiş prezidenti Pyotr Poroşenko ölkədə seçkilər keçirməyə müvəffəq olduqda daha bir müddət üçün namizədliyini irəli sürmək planlarını açıqlayıb...
Poliqon xəbər verir ki, sabiq prezident bu barədə Al Jazeera telekanalına danışıb.
Qeyd edək ki, Vladimir Zelenskinin səlahiyyət müddəti 2024-cü il mayın 20-də başa çatır. Prezident seçkiləri martın sonunda keçirilməli idi, lakin Ukraynada hərbi vəziyyət hökm sürür. Ukrayna qanunlarına görə, belə şərtlərlə nə prezident seçkiləri, nə də Ali Radaya seçkilər keçirilmir.
Eks-prezident vurğulayıb ki, seçkilərin keçirilməsi üçün ilk növbədə müharibəyə son qoyulması, hərbi vəziyyətin aradan qaldırılması lazımdır.
Poroşenko həmçinin əlavə edib ki, bu müharibə “Ukraynadan da böyükdür”.
“Söhbət dünya nizamı, azadlıq, demokratiya və sülhün əsas prinsipləri uğrunda mübarizədən gedir”, deyə eks-prezident fikrini yekunlaşdırıb.
Xatırladaq ki, Poroşenko 2014-cü il iyunun 7-dən 2019-cu il mayın 20-dək Ukrayna prezidenti olub. 2019-cu ildə seçkilərdə o, Zelenskiyə uduzub.
Poliqon.info
Digərxəbərlər
Populyar xəbərlər
