Fələstinin HƏMAS hərəkatı 700-dən 1000-dək fələstinli məhbusun, o cümlədən 100-ü ömürlük həbs cəzasının azad edilməsi müqabilində israilli girovların azad edilməsini təklif edən atəşkəs planını açıqlayıb...
HƏMAS-ın təklif etdiyi razılaşmanın şərtlərini nəzərdən keçirən Reuters Agentliyi xəbər verir ki, qadınların, o cümlədən hərbi qulluqçuların, uşaqlar, qocalar və xəstə girovların Fələstin əsirliyindən azad edilməsi təklif edilir.
Bu gün, martın 15-də İsrailin baş naziri Benyamin Netanyahunun ofisi X sosial şəbəkəsində bəyan edib ki, Fələstin hərəkatı qeyri-real tələblərlə çıxış etməyə davam edir. Bəyanatda deyilir ki, bu məsələ ilə bağlı yenilənmiş məlumat sabah İsrailin hərbi və siyasi-hərbi kabinetlərinə təqdim olunacaq.
HƏMAS-dan Reuters-ə bildirib ki, Qəzza zolağında atəşkəs danışıqları son həftələrdə pozulub, çünki Netanyahu hərəkatın daimi atəşkəs, İsrailin anklavdan çıxarılması və bölgənin cənubundan köçkünlərin geri qayıtması kimi tələblərini rədd edib.
Fələstin hərəkatının son təklifində deyilir ki, atəşkəs və İsrailin Qəzza zolağından çıxarılması tarixləri ilk girovların əsirlərlə dəyişdirilməsindən sonra razılaşdırılmalıdır. Reuters xəbər verir ki, HƏMAS mübadilənin ikinci mərhələsində qalan bütün girov və məhbusları azad etməyi təklif edib.
Qeyd edək ki, Anklavda atəşkəsə dair sonuncu danışıqlar martın əvvəlində Qahirədə baş tutub. Bu danışıqlarda Qətər, ABŞ və HƏMAS nümayəndələri iştirak ediblər.
Bu arada İsrail Qəzza zolağının Misirlə sərhədində yerləşən Rəfah şəhərində quru əməliyyatı keçirməyə hazırlaşır. Martın 14-də İsrailin Baş naziri beynəlxalq təzyiqlərə baxmayaraq, əməliyyata hazırlıqların davam etdiyini bildirib. Netanyahunun sözlərinə görə, digər ölkələrin mövqeyi İsrailin hücum planlarına təsir etməyəcək.
Poliqon.info
Digərxəbərlər
Populyar xəbərlər
