ABŞ-ın keçmiş prezidenti Donald Tramp gələn həftə Macarıstanın baş naziri Viktor Orbanı Floridadakı Mar-a-Laqo malikanəsində qəbul etməyi planlaşdırır...
Poliqon xəbər verir ki, bu barədə Bloomberg Agentliyi mənbəyə istinadən məlumat yayıb.
Görüşün martın 8-də baş tutacağı gözlənilir. Agentliyin materialında qeyd edilir ki, belə bir addım Trampın hakimiyyətə qayıtması perspektivi ilə bağlı ABŞ müttəfiqləri arasında narahatlığı artıracaq.
Qeyd edək ki, Viktor Orban Donald Trampın dünya liderləri arasında azsaylı dəstəkçilərindən biridir. Mütəmadi olaraq Avropa İttifaqının Kiyevə yardımlarını əngəlləməyə çalışan Macarıstan lideri Trampın Ağ Evə qayıdışının Ukrayna müharibəsini bitirəcəyini deyir. Onun Rusiya və Donald Trampla bağlı mövqeyi əksər Avropa liderlərini narahat edən əsas məqamlardan biridir.
Fevralın 25-də Argentina prezidenti Xavyer Miley də Donald Trampla söhbətində ABŞ-da keçiriləcək prezident seçkilərində qalib gələcəyinə ümid etdiyini bildirib.
Poliqon.info