Roskosmosun keçmiş rəhbəri, Zaporojye vilayətindən olan senator Dmitri Roqozin ABŞ-ın tünd dərili müdafiə naziri Lloyd Ostini meymuna bənzədib...
Poliqon xəbər verir ki, Roqozin X sosial şəbəkəsindəki ingilisdilli səhifəsində iki fotoşəkil dərc edib. Şəkillərin birində qorillanın yanında çəkilmiş piqmeylər, digəri isə Ukrayna prezidenti Vladimir Zelenski və ölkənin müdafiə naziri Rustem Umerovun əhatəsində olan Ostini əks olunub
Bu post fevralın 25-də dərc edilib.
“ABŞ-ın Müdafiə Naziri Lloyd Ostin xəstəliyindən əvvəl piqmeylərlə şəkil çəkdirməyi çox sevirdi”, deyə Roqozin yazıb.
Daha sonra “VKontakte” səhifəsində Roqozin ABŞ Müdafiə Nazirliyinin rəhbərini primatla müqayisə etmədiyini bildirib.
“Dünən gecə bəzi beynəlmiləlçi vətəndaşlar çox həyəcanlandılar, niyə mənim botlarımda və burada da mən ABŞ Müdafiə Nazirini meymun adlandırdım. Belə ki, heç bir şübhəniz olmasın. Ostin, Bayden, Şolts və Rusiyanın digər düşmənləri çirkli banderloq meymunlardır. Müharibə cinayətkarları...”, deyə Roskosmosun keçmiş rəhbəri “VKontakte” səhifəsində yazıb.
Poliqon.info