Britaniya Hərbi Dəniz Qüvvələri yanvarın 30-da HMS Vanguard nüvə sualtı qayığından Trident II D5 ballistik raketinin uğursuz sınaq buraxılışını həyata keçirib...
Poliqon xəbər verir ki, bu barədə The Sun qəzeti mənbəyə istinadən məlumat yayıb. Qəzet yazır ki, buraxılışdan sonra raket kursdan çıxıb və Böyük Britaniyanın müdafiə naziri Qrant Şappsın olduğu sualtı qayığın yanına düşüb.
The Sun-un mənbəsinin məlumatına görə, təlim missiyası Florida sahillərində Atlantik okeanında baş tutub. Trident II D5-in Braziliya və Qərbi Afrika arasında Atlantik okeanının mərkəzində müəyyən bir hədəfi vurmaq üçün 6 min km uçacağı güman edilirdi. “The Sun” yazır ki, HMS Vanguard gəmisində Hərbi Dəniz Qüvvələrinin rəhbəri admiral Ben Key də olub. Hadisənin hansı şəraitdə baş verdiyi aydınlaşdırılır.
The Sun qəzetinin sorğusuna əsasən, Böyük Britaniya Müdafiə Nazirliyi yanvarın 30-da keçirilən təlim zamanı “anomaliyanın baş verdiyini” təsdiqləyib.
“Sınaq Böyük Britaniyanın nüvə qarşısının alınmasının effektivliyini təsdiqlədi və buna tam əminik. Test zamanı anomaliya baş verdi. Milli təhlükəsizlik səbəbi ilə bu mövzu ilə bağlı əlavə məlumat verə bilmərik”, deyə Müdafiə Nazirliyi bildirib.
Poliqon.info