İsrail Müdafiə Qüvvələrinin (IDF) Qəzza zolağının Rəfah şəhərində əməliyyatı müsəlmanların müqəddəs Ramazan ayı bitdikdən sonra aprelin ortalarında başlaya bilər...
Poliqon xəbər verir ki, bu barədə "Axios" portalı İsrail və Amerika rəsmilərinə istinadən yazıb.
"Rəfahda əməliyyatın başlaması üçün çox həftələr lazım olacaq. Ola bilsin ki, yalnız aprelin ortalarında, müsəlmanların müqəddəs Ramazan ayı bitdikdən sonra başlasın", deyə nəşr qeyd edib.
Bundan əvvəl baş nazir Benyamin Netanyahunun ofisi İsrailin Rəfahda genişmiqyaslı əməliyyat keçirməyə hazırlaşdığını bildirib. İsrail ordusunun məlumatına görə, HƏMAS-ın daha 4 batalyonu qalıb. İsrail Müdafiə Qüvvələri daha sonra Rəfahın Əl-Şəbura məhəlləsindəki hədəfləri vurduğunu bildirib. Bu hücumlar nəticəsində ölənlərin sayı 100-ə çatıb, 230-dan çox insan yaralanıb.
Poliqon.info