Moldovanın xarici işlər naziri Mixay Popşoy bildirib ki, Kişinyov Rusiyaya qarşı sanksiya siyasətini dəstəkləməyə davam edəcək və Qərbin məhdudiyyətlərinə qoşulacaq...
Poliqon xəbər verir ki, bu barədə "TVR Moldova" məlumat yayıb.
O bildirib ki, 2023-cü ildə Moldova Qərb ölkələrinin Moskvaya qarşı tətbiq etdiyi sanksiyaların 80%-nə qoşulub.
"Əvvəlcə daha az idi, lakin bu yaxınlarda biz irəliləyiş əldə etdik və avropalı tərəfdaşlarımıza qoşulmaq üçün bu çağırışları davam etdirəcəyik", deyə Mixay Popşoy bildirib.
Bundan əvvəl Mixay Popşoy Kişinyovun Rusiya ilə yaxşı münasibətlər qurmaq istədiyini, lakin hazırda bunun mümkün olmadığını bildirib.
Mixay Popşoy qeyd edib ki, bu günün reallıqları yaxın gələcəkdə Rusiya ilə münasibətlərin əhəmiyyətli dərəcədə yaxşılaşacağına ümid etməyə imkan vermir. O, həmçinin bu inkişafdan məyus olduğunu bildirib.
"Biz münasibətlərin normallaşdırılmasından danışa bilmərik, Rusiya dünyanın əksər ölkələrinin sanksiyalarına məruz qalan dövlət olaraq qalır. Biz vətəndaşlarımızla yaxşı münasibətlər qurmaq nə qədər istəsək də, yaxşı kommersiya əlaqələri hələlik gözləməli olacaq", deyə Moldova Xarici İşlər Nazirliyinin rəhbəri bildirib.
Poliqon.info
Digərxəbərlər
Populyar xəbərlər
