Almaniya kansleri Olaf Şolts: Ümid edirəm ki, ABŞ Konqresi tezliklə Ukraynaya yardımla bağlı qərar verəcək...
Almaniya kansleri Olaf Şolts ABŞ-a səfəri ərəfəsində Amerika Konqresində çıxış edərək, Ukraynaya yardım üçün qanun layihəsinin razılaşdırılmasına çağırıb.
Poliqon xəbər verir ki, bu barədə Almaniyanın “Die Zeit” nəşri məlumat yayıb.
“Mən həqiqətən ümid edirəm ki, Birləşmiş Ştatlar və Amerika Konqresi tezliklə lazımi maliyyə dəstəyi verməyə qərar verəcəklər” deyə alman siyasətçi bildirib.
Şolts qeyd edib ki, Rusiya nə vaxtsa Qərb müttəfiqlərinin Ukraynaya dəstəyi dayandıracağına ümid edir. Ona görə də ABŞ və Avropa o qədər töhfə verməlidir ki, Rusiya tərəfinin bu hesablaması baş tutmasın.
Qeyd edək ki, bundan əvvəl Almaniya kansleri Ukraynada münaqişənin sonunun görünmədiyini bildirib. Şolts vurğulayıb ki, Avropa Ukrayna Silahlı Qüvvələrinə dəstəyini davam etdirməlidir.
Xatırladaq ki, 2024-cü ildə Almaniya Ukrayna Silahlı Qüvvələrinə dəstək üçün 7 milyard avrodan çox vəsait ayırmağı planlaşdırır.
Poliqon.info