İsrail ordusu cümə axşamı Qəzza zolağında quru əməliyyatı zamanı həbs edilən 114 fələstinlini azad edib...
Poliqon xəbər verir ki, bu barədə "Sinxua" nəşri Fələstinin Qəzzadakı sərhəd xidmətindəki mənbələrə istinadən məlumat yayıb.
Sərbəst buraxılanlar Qəzza zolağının cənubundakı Kerem Şalom keçid məntəqəsində Fələstin tərəfinə təhvil verilib. Onlardan bəziləri səhhətləri pisləşdiyi üçün dərhal Rəfahdakı Nəccar xəstəxanasına yerləşdirilib.
"Sinxua" xəstəxanada buraxılanların bir neçə nəfərlə danışa bilib və onlar həbs zamanı döyüldüyünü, alçaldıldığını və işgəncələrə məruz qaldıqlarını bildiriblər. Eyni zamanda, nəşr qeyd edir ki, bu ifadələr təsdiqlənməyib.
Hesabatda deyilir ki, "Euro-Med Human Rights Monitor" insan haqları təşkilatının məlumatına görə, İsrail ordusu Qəzza zolağında quru əməliyyatı zamanı yüzlərlə fələstinlini həbs edərək naməlum yerlərə daşıyıb.
Qeyd edək ki, bundan əvvəl İsrailin xüsusi xidmət orqanı olan MOSSAD-ın rəhbəri David Barnea hərbi kabinetə girovların azad edilməsi ilə bağlı potensial razılaşmanın 9 bəndlik planını təqdim edib. Bu, bir neçə mərhələdə hələ də Qəzzada saxlanılan 136 məhbusun hamısının azad edilməsini əhatə edə bilər.
Poliqon.info