Ukraynadakı hərbi münaqişə və milli büdcələrin kəsilməsi Avropa İttifaqını maliyyələşdirmə prioritetlərini dəyişməyə məcbur edir...
Aİ xərclərin istiqamətini iqtisadiyyatın yaşıllaşdırılmasından müdafiəyə sərmayə yatırmağa yönləndirir.
Poliqon xəbər verir ki, bu barədə The Financial Times nəşri yazır.
Nəşr qeyd edir ki, milli büdcələrin azalması ilə üzləşən üzv dövlətlər blokda innovasiyaları artırmaq üçün nəzərdə tutulan ümumi fondu 10 milyard avrodan 1,5 milyard avroya qədər azaldıblar. Aİ üzvləri belə qərara gəldilər ki, fond yaşıl texnologiya və ya iqlimlə bağlı digər investisiyalar üçün deyil, yalnız müdafiə ilə bağlı layihələr üçün istifadə oluna bilər.
Belçikanın maliyyə naziri Vincent Van Petqhemin sözlərinə görə, COVID-19 pandemiyasından bəri “yaşıl və rəqəmsal texnologiyalara böyük diqqət yetirilib.
“İndi biz bu diqqətin bir az dəyişdiyini görürük”, deyə Belçikanın maliyyə naziri bildirib.
“Cleantech for Europe” sənaye qrupunun baş icraçı direktoru Jül Besnaynu hesab edir ki, Aİ-nin iddialı iqlim siyasətini necə maliyyələşdirməsi ilə bağlı müzakirələr keçmişdə qalıb.
Aİ-nin iqlim üzrə komissarı Vopke Hukstra isə FT-yə bildirib ki, əhəmiyyətli investisiya tələb edən sahələr arasında müdafiə, iqlimlə bağlı fəaliyyət və süni intellekt var. O, qeyd edib ki, müdafiə məsələsində ölkələr hərəkətli bir səbəblə addım atıblar və hələ bunun sonu görünmür.
Poliqon.info