Avropa diplomatiyasının rəhbəri Josep Borrell bildirib ki, Qərb sanksiyaları Rusiyanın müdafiə sənayesini məhv edə bilməyib...
Poliqon xəbər verir ki, Borrel bu barədə Aİ-Mərkəzi Asiya nəqliyyat investisiya forumunda danışıb. Aİ xarici siyasət rəsmisi çıxışında bildirib ki, Avropa İttifaqı “Ukrayna tunelinin sonunda işığı görmür”.
Diplomat qeyd edib ki, Aİ Rusiyaya qarşı geniş sanksiyalar tətbiq edib, bu sanksiyalar Rusiya hərbi maşınını əhəmiyyətli dərəcədə zəiflətsə də Rusiya müdafiə sənayesi hələ də gücünü itirməyib.
“Müharibə davam edir, döyüşlər daha da güclənir və biz Ukrayna tunelinin sonunda işığı görmürük”, deyə Borrel vurğulayıb.
Qeyd edək ki, keçən həftə Borrel Aİ-nin 27 ölkəsinin xarici işlər nazirlərinin Ukraynaya dəstəyin artırılması və sürətləndirilməsinin vacibliyi ilə bağlı razılığa gəldiklərini söyləmişdi. Bloomberg-n mənbələrinə görə, nazirlər həmçinin dondurulmuş Rusiya aktivlərindən əldə edilən gəlirlərə vergi tətbiq etmək üçün “siyasi razılığa” gəliblər.
Poliqon.info
Digərxəbərlər
Populyar xəbərlər
