Hazırda Rusiya Federasiyasının diqqətini Ukraynadakı müharibəyə yönəltsə də, Qərb dövlətləri artıq Kremlin digər Avropa ölkələrinin təhlükəsizliyinə qəsd edə biləcəyindən narahatdırlar...
Poliqon "The Times"a istinadın xəbər verir ki, Moskva Alyansa qarşı müharibəyə başlayarsa, NATO Rusiyanın bütün Avropadakı, xüsusən də Almaniyadakı hədəflərə mümkün zərbələrinə hazırlaşmalı olacaq. Bununla bağlı yüksək rütbəli generallar xəbərdarlıq edirlər.
NATO-nun Almaniyadakı hərbi logistika mərkəzinin komandiri general-leytenant Aleksandr Sollfrank müttəfiqləri hazırda qoşun və texnikanın yerdəyişməsini çətinləşdirən bürokratik prosedurları sadələşdirməyə çağırıb. Böhran zamanı ölkələrə də bir-birinin hərbi texnikasından istifadə etməyə icazə verilməlidir.
"10-15 il əvvəlki müharibəni və əməliyyatları müqayisə etsək, başa düşürük ki, arxa cəbhələr üçün də gərgin mübarizənin olacağını etiraf etməliyik. Güman etməliyik ki, təcavüzkar rabitə xətlərini, o cümlədən arxa cəbhədə məhv etmək üçün bütün kinetik və qeyri-kinetik qüvvələrdən istifadə edəcək", deyə Solfrank qeyd edib.
Alyans liderləri əmindirlər ki, müdafiələrini gücləndirmək üçün məhdud vaxtları var. Onlar iyulda Vaşinqtonda keçiriləcək sammitə qədər hərbi konvoyların NATO ölkələri arasında sərbəst hərəkət etməsinə imkan verəcək "hərbi Şengen" sisteminin tətbiqi ilə bağlı razılığa gəlməyə ümid edirlər.
Poliqon.info
Digərxəbərlər
Populyar xəbərlər
