Avropa Komissiyası bu həftə Avropa İttifaqının iqtisadi təhlükəsizliyinin artırılması planını təqdim etmək niyyətindədir ki, bu da alyansın ən mühüm texnoloji sektorlarına xarici investisiyaların qarşısının alınması imkanını nəzərdə tutur...
Poliqon xəbər verir ki, bu barədə Bloomberg Agentliyi mənbələrə istinadən məlumat yayıb.
"Avropa İttifaqının icra orqanı çərşənbə günü blok daxilində xarici nəzarətdə olan şirkətlər də daxil olmaqla həssas sənayelərə xarici investisiyaları yoxlamaq və potensial olaraq bloklamaq səlahiyyətlərini gücləndirməyə yönəlmiş qaydalarla bir təklif açıqlayacaq və həmçinin sənayenin inkişafını sürətləndirmək, həm hərbi, həm də kommersiya məqsədləri üçün xidmət edə biləcək texnologiyalar fondu yaratmağı nəzərdən keçirir", deyə məlumatda bildirilir.
Qeyd edilir ki, sözügedən plan Avropa İttifaqı ölkələrinə Çin, Rusiya və ABŞ-ın "məcburi hərəkətlərini dəf etmək" üçün lazım olacaq.
Brüssel Avropa İttifaqının son illərdə "digər ölkələrdən tədarükdən hədsiz asılılığını" müəyyən edib. Agentlik diqqəti Avropa iİttifaqının iqtisadi təhlükəsizliyinin qorunması zərurətinə yönəltdiyini bildirib.
Poliqon.info