Rio-de-Janeyroda daşqınlar nəticəsində 11 nəfər ölüb

Poliqon xəbər verir ki. bu barədə yerli G1 portalı xüsusi xidmət orqanlarının məlumatlarına istinadən məlumat yayıb.

Qeyd edilir ki, yanvarın 13-dən 14-dək Rio-de-Janeyronun şimal bölgəsinə güclü leysan yağıb. Yağmur əsas magistralları su basmasına gətirib çıxarıb, ictimai yerüstü nəqliyyatın və metronun işini iflic edib. Xilasedicilərin sözlərinə görə, 11 nəfərin ölümünə səbəb torpaq sürüşməsi və şəhər elektrik şəbəkəsinin qırılan naqillərindən elektrik cərəyanı vurması olub.

Rio-de-Janeyro şəhərinin meri Eduardo Paes sakinləri şəhərdə vəziyyət normallaşana qədər lazımsız yerə evlərini tərk etməməyə çağırıb. Rio-de-Janeyro əməliyyat mərkəzi əhali üçün beş mümkün xəbərdarlıq səviyyəsindən üçüncüsü elan edib.

Braziliyanın mülki müdafiə xidməti 30 magistral yolda daşqın və onlarla rayonda elektrik enerjisinin kəsilməsini qeydə alıb. Xüsusilə, Rio-de-Janeyronun şimal rayonunda bir xəstəxana işıqsız qalıb. Xilasedicilər həmçinin ən çox favelaların yerləşdiyi çətin relyefli ərazilərdə sürüşmə riskinin yüksək olacağı barədə xəbərdarlıq ediblər.

Poliqon.info