Ermənistanın hakim "Vətəndaş müqaviləsi" partiyası Gümrüdə (Ermənistanın ikinci böyük şəhəri) hakimiyyəti keçmiş koalisiya tərəfdaşı Balasanyan blokundan almaq istəyir...
Poliqon xəvbər verir ki, bu barədə Ermənistanın "Joxovurd" qəzeti yazıb.
Qeyd olunur ki, blokun nümayəndələri hakimiyyətdən əl çəkmək üçün güclü təzyiq altındadır. Nəşrə görə, hakimiyyət hüquq-mühafizə orqanlarına opponentləri hər cür "təqib etmək" barədə göstəriş verib.
Qəzetin məlumatına görə, vergi xidmətləri Balasanyan ailəsinə məxsus biznes obyektlərində gücləndirilmiş yoxlamalara başlayıb. Onların barəsində cinayət işinin başlanması üçün hər şey edilir.
Məlum olduğu kimi, 2021-ci il seçkilərində keçmiş mer Samvel Balasanyanın təsis etdiyi Balasanyan bloku Ermənistanın ikinci böyük şəhərində yerli seçkilərdə 36,59 faiz səs toplayıb, seçicilərin 29,56 faizi isə "Vətəndaş sazişi"nə səs verib.
Seçkilərdən sonra onlar koalisiya yaradıblar və 2023-cü ilin sentyabrında keçmiş merin oğlu Misak Balasanyan İraqa səfir təyin edilib. Lakin dekabrın əvvəlində "Vətəndaş sazişi" koalisiya əməkdaşlığını dayandırıb və ayın sonunda Balasanyan İraqdan geri çağırılıb.
Poliqon.info