Britaniya Müdafiə Nazirliyi Husiləri Qırmızı dənizdə onların gəmilərinə hücum etməkdə ittiham edib...
Poliqon Reuters Agentliyinə istinadən xəbər verir ki, bu barədə Britaniyanın Müdafiə naziri Şapps bildirib. Nazir qeyd edib ki, Husilər Qırmızı dənizdə Britaniya gəmilərinə hücum edib.
“Qırmızı dənizdəki Britaniya gəmiləri Yəmənin husi üsyançıları tərəfindən hücuma məruz qalıb”, deyə bu ölkənin müdafiə naziri Qrant Şapps bildirib.
Nazir qeyd edib ki, Kral Donanmasının “HMS Diamond” gəmisi hücuma məruz qalıb. Şappsın bildirdiyinə görə, Britaniya hərbi gəmisinə edilən hücum bölgədəki bütün gəmilərə genişmiqyaslı hücumun yalnız bir hissəsidir.
Qeyd edək ki, bundan əvvəl ABŞ Mərkəzi Komandanlığı (CENTCOM) Qırmızı dənizin cənub hissəsində gəmilərin husilərin yeni hücumlarına məruz qaldığını bildirib. Açıqlamaya görə, hücum Yəmənin husilərin nəzarətində olan hissəsindən həyata keçirilib və onlarla ticarət gəmisinin keçdiyi dəniz ərazisinə yönəlib.
Poliqon.info