Şimali Koreya lideri Kim Çen In ölkəsinin Cənubi Koreyanı məhv etmək üçün bütün hərbi potensialından istifadə edəcəyi ilə hədələyib...
Poliqon xəbər verir ki, bu barədə KXDR lideri müdafiə sənayesi müəssisələrinə səfərin zamanı danışıb. Kimin sözlərinə görə, Şimali Koreya Seulun hər hansı təxribatı ilə üzləşərsə, belə addımlar atacaq.
“Əgər Cənubi Koreya Respublikası dövlətimizə qarşı silahlı qüvvələrdən istifadə etməyə cəhd edərsə və ya suverenliyimizi və təhlükəsizliyimizi təhdid edərsə, biz Koreya Respublikasını tamamilə məhv etmək üçün bütün mövcud vasitə və güc arsenalından istifadə etməkdən çəkinməyəcəyik”, deyə Kim Çen In bildirib.
Şimali Koreya lideri vurğulayıb ki, KXDR Koreya yarımadasında “əzici gücü” olaraq, birtərəfli qaydada böyük hadisələr törətmək niyyətində deyil, eyni zamanda müharibədən qaçmaq niyyətində də deyil.
“Koreya Respublikasının hakim qanqsterləri KXDR ilə qarşıdurma kimi intihar siyasətinin səhvini dərk etmədikcə, respublikamız ədalətli mübarizə prinsiplərinə əsaslanan aşkar əməli hərəkətləri hər zaman davam etdirəcək”, deyə Şimali Koreya lideri əlavə edib.
Poliqon.info
Digərxəbərlər
Populyar xəbərlər
