ABŞ Husilərin gəmilərə hücumlarının qarşısını almaq üçün Qırmızı dənizdə koalisiya yaradılmasına çağıracaq...
Birləşmiş Ştatlar Husilərin mülki gəmilərə hücumlarının qarşısını almaq üçün dekabrın 15-də Qırmızı dənizə çoxmillətli qüvvələrin yerləşdirildiyini elan edəcək.
Poliqon xəbər verir ki, bu barədə “Axios” portalı məlumat yayıb.
Portal iki İsrail və ABŞ rəsmisinə istinadən yazır: “ABŞ-ın bu barədə çağırışı cümə günü elan edəcəyi gözlənilir. Husilərin növbəti hücumlarının qarşısını almaq və onlara qarşı durmaq üçün Qırmızı dənizdə xüsusi, modernləşdirilmiş qrup fəaliyyətə başlayacaq”.
Körfəz ölkələrinə səfər edən Yəmən üzrə xüsusi elçi Tim Lenderkinq Səudiyyə Ərəbistanı, Oman və Qətərdəki həmkarlarından husilərə xəbərdarlıq mesajları çatdırmalarını istəyib. ABŞ rəsmiləri bildiriblər ki, bölgədəki bir neçə ölkə son iki həftə ərzində husilərə oxşar mesajlar çatdırıb və gəmilərə və İsrailə hücumların qəbuledilməz olduğunu açıqlayıb.
ABŞ rəsmiləri etiraf edib ki, xəbərdarlıqlar hələ husiləri hücumlarını azaltmağa sövq etməyib,
Husilərin hücumları İsrailin cənubundakı Eylat limanına ticarət gəmilərini gedişini demək olar ki, dayandırıb.
Poliqon.info