Ukrayna Prezidenti Aparatının rəhbəri Andrey Yermak bildirib ki, Amerika Birləşmiş Ştatlarının köməyi olmadan Ukrayna müharibəni uduza bilər...
Poliqon xəbər verir ki, bu barədə "Amerikanın Səsi"radiostansiyası yazıb.
Vaşinqtona səfəri zamanı o, Konqresi Ukraynaya əlavə maliyyə ayrılmasını təsdiqləməyə çağırıb.
"Hazırda Konqresdə müzakirə olunan yardım təxirə salınarsa, bu, bizim indi olduğumuz vəziyyətdə olmağımız üçün böyük risk yaradacaq. Və təbii ki, bu, çox güman ərazilərin azad edilməsini davam etdirməyi qeyri-mümkün edəcək və müharibəni itirmək üçün böyük risk yaradacaq", deyə Yermak qeyd edib.
Yermak əlavə edib ki, Ukraynanın təkcə hərbi yardıma deyil, həm də büdcə dəstəyinə ehtiyacı var.
"Ukrayna indi gələn il üçün planı yekunlaşdırmaqla bağlı tərəfdaşlarla işləyir. Biz mümkün qədər tez qalib gəlmək istəyirik, çünki artıq iki il keçib və bu uzun müddətdir", deyə Yermak bildirib.
Qeyd edək ki, hazırda Andrey Yermak, Ukraynanın müdafiə naziri Rustem Umyerov və Ali Radanın sədri Ruslan Stefançuk ABŞ-da rəsmi səfərdədirlər.
Poliqon.info
Digərxəbərlər
Populyar xəbərlər
