ABŞ kəşfiyyatının məlumatına görə, Rusiyanın özəl hərbi şirkəti “Vaqner” hava hücumundan müdafiə vasitələrini “Hizbullah” və ya İrana ötürməyə hazırlaşır...
Poliqon xəbərb verir ki, bu barədə ABŞ Milli Təhlükəsizlik Şurasının sözçüsü Con Kirbi bildirib.
Ağ Ev rəsmisinin sözlərinə görə, "Vaqner" Rusiya hökumətindən müvafiq göstəriş alıb.
“Biz “Vaqner”in “Hizbullah”a, yoxsa İrana hərbi texnika verib-vermədiyini yaxından izləyəcəyik. Biz bu sabitliyi pozan köçürmələri həyata keçirən Rusiya fiziki və ya hüquqi şəxslərinə qarşı anti-terror sanksiyalarımızı tətbiq etməyə hazırıq”, deyə Kirbi bildirib.
ABŞ Milli Təhlükəsizlik Şurasının sözçüsü qeyd edib ki, Rusiyanın hava hücumundan müdafiə sisteminin “Hizbullah"a təhvil verilməsində aparıcı rolu Moskvanın İran və onun silah vəkilləri ilə davam edən əlaqələrini əks etdirir və bu münasibətlər Ukraynada genişmiqyaslı müharibənin başlamasından sonra güclənib.
Bundan əlavə, Vaşinqtonda İranın Rusiyaya ballistik raketlər verməyə hazırlaşdığına dair narahatlıq var. İran bunu Tehrana səfəri zamanı Rusiyanın müdafiə naziri Sergey Şoyquya nümayiş etdirib.
Poliqon.info
Digərxəbərlər
Populyar xəbərlər
