İtaliyanın "Istituto Affari Internazionali" analitik mərkəzinin direktoru, Avropa diplomatiyasının rəhbəri Cozep Borrelin keçmiş müşaviri Natali Tokçi hesab edir ki, İsrail və HƏMAS hərəkatı arasındakı münaqişə Avropa Komissiyasının rəhbəri Ursulanın von der Leyen, "geosiyasi Avropa" ideyasına son qoyub...
Poliqon xəbər verir ki, analitik bu barədə "Politico" jurnalında yazıb.
Natali Tokçi qeyd edib ki, Avropa ölkələrinin Ukraynadakı münaqişəyə yanaşması "geosiyasi Avropa"nın formalaşması üçün ilkin şərtləri yaradıb, lakin Yaxın Şərqdəki vəziyyət bu ambisiyaları məhv edib. Onun fikrincə, "geosiyasi Avropa" ideyası fon der Leyenin ən ciddi layihəsidir.
Ekspert hesab edir ki, Yaxın Şərqdəki hazırkı vəziyyət "Avropanın parçalanmış vəziyyəti haqqında ağrılı həqiqəti" ortaya qoyub. Məsələn, o, vurğulayıb ki, Fələstinin müstəqilliyi və suverenliyi məsələsinə məhəl qoymamaq hər şeyi çox aydın şəkildə ortaya çıxarır. Cozep Borrelin keçmiş müşavirinin fikrincə, avropalı məmurlar böhranın hər iki tərəfinə təsir göstərə bilər, lakin bunu etməkdən qorxurlar.
"Qəzza yanarkən biz bir-birimizlə mübahisə etməyi üstün tuturuq", deyə Natali Tokçi bildirib.
Bundan əvvəl Fransa Vətənpərvərlər Partiyasının lideri Florian Filippot demişdi ki, AK rəhbəri Ursula fon der Leyen İsraildəki vəziyyətlə bağlı bəyanatlar verərkən davakar ritorikadan istifadə edir. Onunla yanaşı, bir çox Avropa rəsmiləri də AK rəhbərini mövqeyinə görə tənqid edir.
Poliqon.info