Bu təmaslar İsraili birmənalı olaraq dəstəkləyən və Fələstinə İsrail kimi heç bir haqq tanımayan ABŞ-ın mövqeyində dəyişiklik yarada bilərmi?..
Politoloq: “Müharibənin dayandırılması ABŞ-ın da, bölgə xalqlarının da maraqlarına tam uyğundur”.
“Sadəcə olaraq İsrailin Baş naziri Netanyahu sağ radikal qüvvələrin təmsilçisi kimi müharibə əməliyyatlarının davam etdirilməsini israr edir”.
Bu sözləri politoloq Qabil Hüseynli ABŞ Dövlət Katibinin Türkiyə səfərini Poliqon-a şərh edərkən qeyd edib.
ABŞ Dövlət Katibi Entoni Blinken Ankarada rəsmi səfər edib. Onun səfəri indiki şəraitdə böyük maraqla qarşılanıb. Dünən Blinken Türkiyənin XİN rəhbəri Hakan Fidanla görüşüb və görüş 3 saat davam edib. Bundan başqa Blinken bir sıra region ölkələri ilə də təmas halındadır və bu təmaslar davam edir.
Bu təmaslar İsraili birmənalı olaraq dəstəkləyən və Fələstinə İsrail kimi heç bir haqq tanımayanABŞ-ın mövqeyində dəyişiklik yarada bilərmi? Ümumiyyətlə, Blinkenin son Yaxın Şərq diplomatiyası İsrail-Fələstin müharibəsinə təsir edəcəkmi?
İsrail-Fələstin müharibəsində rol oynayan qüvvələri Poliqon-un əməkdaşı politoloq Qabil Hüseynli ilə müzakirə edib.
Qabil Hüseynli: “Yaxın bir neçə gün ərzində bölgədə atəşkəs rejimi təmin edilə bilər”.
İsrailin mövqeyində müəyyən yumşalmanın olduğu zəif də olsa, görünməkdə olduğunu vurğulayan politoloq Poliqon-a açıqlamasında qeyd edib ki, müharibənin dayandırılması ABŞ-ın da, bölgə xalqlarının da maraqlarına tam uyğundur:
“Mənim zənnimcə ABŞ-ın mövqeyində dəyişiklik var. Müharibənin dayandırılması ABŞ-ın da, bölgə xalqlarının da maraqlarına tam uyğundur. Sadəcə olaraq İsrailin Baş naziri Netanyahu sağ radikal qüvvələrin təmsilçisi kimi müharibə əməliyyatlarının davam etdirilməsini israr edir.
ABŞ Dövlət Katibi Entoni Blinken isə bu cür çoxsaylı səfərləri, dövlət başçıları ilə görüşləri təsdiq edir ki, ABŞ İsraillə Fələstin arasında atəşkəs elan olunması uğrunda mübarizə aparır. Hər bir halda İsrailin də mövqeyində müəyyən yumşalma olduğu zəif də olsa, görünməkdədir.
Düşünürəm ki, yaxın bir neçə gün ərzində bölgədə atəşkəs rejimi təmin edilə bilər”.
Nərminə UMUDLU
Poliqon.info