İsrail Qəzza zolağında Fələstinin HƏMAS hərəkatına qarşı müharibənin üçüncü mərhələsinə qədəm qoyub...
Poliqon xəbər verir ki, bu barədə Baş nazir Benyamin Netanyahu bildirib. Bu mərhələ quru hərbi əməliyyatının genişləndirilməsini nəzərdə tutur.
“Biz müharibənin ortasındayıq. Biz qarşımıza aydın məqsəd qoymuşuq: HƏMAS-ın hərbi və inzibati potensialını məhv etmək. Biz bunu sistemli şəkildə edirik. İlkin bloklama mərhələsi tamamlandı. İkinci mərhələ isə davamlı olaraq hava hücumlarıdır. Üçüncü mərhələ Qəzza zolağına qurudan nüfuzun genişləndirilməsidir”, deyə Baş nazirin bəyanatında deyilir.
Anklavda quru əməliyyatının məqsədləri arasında girovların azad edilməsi də var. Netanyahu söz verib ki, bu əməliyyatın sonunda HƏMAS “yox olacaq” və “başqa bir Qəzzə ortaya çıxacaq”.
Eyni zamanda, İsrailin Baş naziri Livanın “Hizbullah” qruplaşmasına şimaldan hücuma qarşı xəbərdarlıq edib.
Xatırladaq ki, oktyabrın 28-də Qəzza zolağında quru döyüşlərinin başladığı gün Benyamin Netanyahu HƏMAS-la müharibənin ikinci mərhələsinin başladığını elan etmişdi. İsrailin Baş naziri bildirmişdi ki, məqsədi Fələstin hərəkatının infrastrukturunu məhv etmək və girovları azad etməkdir.
Poliqon.info