Gürcüstanın Konstitusiya Məhkəməsi prezidentin xaricə səyahətlə bağlı qanunu pozduğunu müəyyən edib...
Gürcüstanın Konstitusiya Məhkəməsi ölkə prezidenti Salome Zurabişvilinin hökumətin qadağasına baxmayaraq, xaricə səfər edərək qanunu pozduğuna qərar verib.
Poliqon xəbər verir ki, bu barədə bazar ertəsi Respublika Konstitusiya Məhkəməsinin sədri Merab Turava məlumat verib.
Konstitusiya Məhkəməsinin sədrinin sözlərinə görə, Zurabişvili 31 avqust, 1 və 6 sentyabr 2023-cü il tarixlərində xarici işgüzar səfərlər zamanı xarici siyasət sahəsində nümayəndəlik səlahiyyətlərini həyata keçirib. Siyasətçi bunun üçün Gürcüstan hökumətinin razılığını almayıb və bunun la dakonstitusiyanı pozub.
Gürcüstan telekanalları hadisə yerindən canlı yayımlayır. İndi məhkəmənin qərarını ölkə parlamenti təsdiqləməlidir. Bunun üçün yerli deputatların 100 səsi tələb olunur. Konstitusiya Məhkəməsinin qərarı təsdiqlənərsə, Zurabişvili vəzifəsindən kənarlaşdırıla bilər.
Gürcüstan prezidenti bundan əvvəl istefa vermək fikrində olmadığını bildirmişdi. Zurabişvili onu da əlavə edib ki, onun vəzifədən uzaqlaşdırılması ilə bağlı “hamı xəyalını unutmalıdır”.
Poliqon.info