Macarıstan qərar verdi: Terrora dəstək aksiyalarına icazə verilməyəcək

Poliqon Reuters Agentliyinə istinadən xəbər verir ki, bunu Macarıstanın Baş naziri Viktor Orban İsrail-Fələstin münaqişəsi fonunda deyib.

Orban HƏMAS-ın İsrailə hücumu ilə bağlı etirazlara toxunaraq bildirib ki, Avropanın hər yerində terrorçulara dəstək aksiyalarının keçirilməsi şok edicidir.

İsrail lideri Benyamin Netanyahunun müttəfiqi olan Orban İsrailin özünü müdafiə etmək hüququna malik olduğunu, lakin münaqişənin bütün regionda sabitliyi pozaraq digər ölkələrə yayılmamasının vacib olduğunu deyib.

Bir gün əvvəl HƏMAS-ın keçmiş lideri Xalid Məşəl cümə günü müsəlman dünyasında fələstinlilərə dəstək və qonşu ölkələrin xalqlarını İsrailə qarşı mübarizəyə qoşulmağa çağırıb.

Budapeştdə Macarıstan Xarici İşlər Nazirliyinin binası yaxınlığında günorta saatlarında Fələstinə dəstək aksiyasının keçirilməsi barədə sosial şəbəkələrdə məlumat yayılıb.

"Hətta Macarıstanda da buna cəhdlər olub... Amma biz terror təşkilatlarına dəstək aksiyalarının keçirilməsinə icazə verməyəcəyik, çünki bu, Macarıstan vətəndaşları üçün terror təhlükəsi yaradar. İnancından və mənşəyindən asılı olmayaraq heç bir Macarıstan vətəndaşının özünü təhlükədə hiss etməsinə icazə verə bilmərik", deyə Orban bildirib.

Poliqon.info