İsrail BMT-nin Qəzza sakinlərinin təxliyə çağırışını sərt tənqid edib

Poliqon “RİA Novosti” Agentliyinə istinadən xəbər verir ki, İsrailin BMT-dəki daimi nümayəndəsi Gilad Erdan ölkə hakimiyyətinin Qəzza sakinlərinə 24 saat ərzində zolağın cənubuna köçmək əmrinə BMT-nin reaksiyasını biabırçılıq adlandırıb.

Qeyd edək ki, BMT Baş katibinin nümayəndəsi Stefan Düjarrik daha əvvəl bildirmişdi ki, İsrail bir gün ərzində 1,1 milyon fələstinlinin Qəzza zolağının cənubuna təxliyyə edilməsi zərurəti barədə təşkilata məlumat verib. Bununla belə, BMT belə bir addımın mümkün humanitar nəticələri ilə bağlı narahatlığını ifadə edib.

“BMT-nin İsrailin Qəzza zolağının sakinlərinə erkən xəbərdarlığına reaksiyası utancvericidir!”, deyə Erdan bildirib.

Onun sözlərinə görə, təşkilat uzun illər Fələstinin radikal HƏMAS hərəkatının silahlanmasına və yaraqlılar üçün sığınacaq kimi Qəzza zolağında sadə insanlardan və mülki infrastrukturdan istifadəsinə göz yumub.

Edan qeyd edib ki, vətəndaşları HƏMAS-ın hücumuna məruz qalan İsraili dəstəkləmək əvəzinə, BMT indi bu ölkəyə “moizələr oxuyur”.

Daimi nümayəndə vurğulayıb ki, BMT indi diqqətini girovların qaytarılmasına yönəltsə, HƏMAS-ı pisləsə və İsrailin özünümüdafiə hüququnu dəstəkləsə, daha yaxşı olar.

Poliqon.info