Qəzaya uğrayan tanker səbəbindən Dardanel boğazı bağlanılıb

Poliqon xəbər verir ki, bu barədə Türkiyənin NTV telekanalı məlumat yayıb. Tanker İstanbuldan Kalamata limanına doğru hərəkət edir.

Liberiya bayrağı altında üzən 183 m uzunluğundakı “Sappho” tankeri Mərmərə dənizindən Egeyə çıxışda boğazın ağzında qalıb. Məlumatda bildirilir ki, nasazlıq səbəbindən tanker öz mühərrikləri ilə hərəkətə davam edə bilmir.

Gəmini boğazadan çıxarmaq üçün Türkiyə Sahil Mühafizəsinin yedək gəmiləri göndərilib və hazırda tankeri boğazın əsas keçid marşrutundan təhlükəsiz yerə aparılması ilə bağlı işlər görülür.

Poliqon.info