İtaliyalı hücumçu Mario Balotelli Türkiyə Superliqasında çıxış edən “Adana Demirspor” klubu ilə azad agent kimi müqavilə imzalayıb...
“Klubumuz Mario Balotelli ilə birmövsümlük müqavilə bağlayıb, müqavilənin müddətini daha bir il uzatmaq imkanı var”, - deyə klubun Mətbuat Xidmətindən bildirilib.
Xatırladaq ki, bir gün əvvəl 32 yaşlı Balotelli İsveçrənin “Sion”u ilə müqaviləsinə xitam vermişdi. İtalyan futbolçu “Sion”da 19 oyun keçirib və altı qol vurub.
Ümumilikdə isə o, İtaliya millisində 36 oyun keçirib, 14 qol vurub və beş məhsuldar ötürmə edib.
Balotelli əvvəllər “Monza”, “Breşiya”, “Marsel”, “Nitsa”, “Liverpul”, “Milan”, “Mançester Siti”, “İnter” və “Adana Demirspor”da çıxış edib.
Qeyd edək ki, “Qarabağ” klubunun keçmiş qapıçısı Şahruddin Məhəmmədəliyev də bir müddət əvvəl “Adana Demirspor”a keçib və Türkiyə Superliqasında çıxış edən komanda ilə ikiillik müqavilə bağlayıb.
Fotolar
Poliqon.info
Digərxəbərlər
Populyar xəbərlər
