ABŞ-ın maliyyə naziri Canet Yellen bildirib ki, ABŞ Ukrayna da daxil olmaqla, inkişaf etməkdə olan ölkələr üçün 200 milyard dollar ayırmaq niyyətindədir...
Poliqon xəbər verir ki, bu barədə ABŞ Maliyyə nazirliyinin saytında yayılan məlumatda bildirilir. Canet Yellen Nazirliyin saytında dərc olunan çıxışında qeyd edilir ki. bu yardım ABŞ-ın tərəfdaşlarına ayrılacaq.
“Biz beynəlxalq maliyyə qurumlarında ABŞ-ın bu hərəkətlərindən tərəfdaşlarımızın və müttəfiqlərimizin dəstəyi ilə inkişaf etməkdə olan ölkələr üçün 200 milyard dollarlıq yeni maliyyənin səfərbər edilməsi üçün istifadə etməyə çalışırıq”, deyə Yellen bildirib.
Xanım Yellen qeyd edib ki, bu səylər Vaşinqtonun “ən həssas ölkələrə və xalqlara yardım göstərməyə” sadiqliyini nümayiş etdirəcək.
Nazir xüsusilə vurğulayıb ki, Birləşmiş Ştatlar Ukrayna xalqını və hökumətini dəstəkləmək öhdəliyində sarsılmaz mövqeyə sahibdir.
“Birləşmiş Ştatlar Ukraynanı dəstəkləmək üçün yaratdığımız qlobal koalisiyaya rəhbərlik etməyə davam edəcək”, deyə Yellen əlavə edib.
Poliqon.info
Digərxəbərlər
Populyar xəbərlər
