2023-cü ilin yanvar-may aylarında Rusiyadan Hindistana neft ixracı ötən ilin eyni dövrü ilə müqayisədə 11 dəfə artaraq, 36,9 milyon tona çatıb...
Poliqon xəbər verir ki, bu barədə Hindistanın Sənaye və Ticarət Nazirliyinin məlumatlarında deyilir.
Beş ayda Rusiya Hindistana bütün 2022-ci ildəkindən (33,4 milyon ton) daha çox neft (36,8 milyon ton) tədarük edib. Beləliklə, Rusiya İraq (21,4 milyon ton) və Səudiyyə Ərəbistanını (17,5 milyon ton) qabaqlayaraq, Hindistanın ən böyük neft tədarükçüsü statusunu saxlayır.
Qəzet qeyd edir ki, Rusiya neft idxalının sürətlə artması Qərbin sanksiyaları fonunda baş verib. Ukraynada hərbi əməliyyat başlayandan sonra Aİ, Böyük Britaniya və ABŞ Rusiya neftinin alınmasına qadağa qoyub, həmçinin bir barel üçün 60 dollar qiymət həddini təyin ediblər.
Nəticədə Rusiya neft şirkətləri ixrac axınını Avropadan Asiya bazarına yönləndirib. Əsas alıcılar sanksiyalara qoşulmayan Çin və Hindistan olub.
Lakin son aylarda Rusiya Federasiyasından ixracın ümumi azalması fonunda Hindistana neft tədarükünün həcmi də azalmaqdadır. Mütəxəssislərin fikrincə, bu, OPEC+ çərçivəsində hasilatın könüllü məhdudlaşdırılmasına dair razılaşmalarla bağlıdır.
Poliqon.info
Digərxəbərlər
Populyar xəbərlər
