“Vaqonlarından birində nasazlıq ehtimalı olduğu üçün sərnişinlər metronun “Ulduz” stansiyasında düşürülüblər”...
Bunu Oxu.Az-a açıqlamasında “Bakı Metropoliteni” QSC-nin Mətbuat Xidmətinin rəhbəri Bəxtiyar Məmmədov deyib. O, bildirib ki, nəticədə intervalda gecikmə yaranıb:
“Həzi Aslanov-Dərnəgül” marşrutu üzrə hərəkət edən qatarın vaqonlarından birinin qapısında nasazlıq ehtimalı olduğundan sərnişinlər metronun “Ulduz” stansiyasında düşürülüblər. Qatar ən yaxın yoxlama məntəqəsi kimi “Nərimanov” elektrik deposuna yola salınıb. Nəticədə intervaldan əlavə 3 dəqiqəlik yubanma yaranıb. Həmin qatarın əvəzinə xəttə qatar verilib”.
***
Bakı metrosunda qatarların hərəkət qrafikində gecikmə olub.
Səhər saatlarında metronun “Koroğlu” stansiyasında qatarlardan birində nasazlıq yaranıb. Bu barədə sərnişinlərə metro bələdçisi məlumat verib.
Nasazlıq səbəbindən qatar metronun “Koroğlu” - “Ulduz” stansiyaları arasında 10 dəqiqədən çox tuneldə qalıb.
Sərnişin-maşinist rabitəsi ilə sərnişinlərə səslənən maşinist irəlidə stansiyada nasaz qatarın olduğunu bildirərək sərnişinləri səbirli olmağa çağırıb.
Poliqon.info
Digərxəbərlər
Populyar xəbərlər
