Gürcü deputat: Hakim partiya uduzacaq, Rusiya ilə əlaqəsi olan hər kəs cavab verəcək

Poliqon xəbər verir ki, bunu Gürcüstanın müxalifətçi deputat Paata Mancqaladze "Birinci Kanal"a deyib.

Onun sözlərinə görə, cəmiyyət respublikanın hakimiyyət orqanlarına real münasibətini səsvermə zamanı göstərəcək:

“2024-cü ildə “Gürcü Arzusu”na siyasi hökm veriləcək, biz qisas almaq fikrində deyilik, lakin Rusiya ilə əlaqəsi olan hər kəs cavab verəcək. Əgər seçki sistemi proporsional olsaydı, “Gürcü Arzusu” əvvəlki seçkiləri uduzardı”.

O əlavə edib ki, Gürcüstanı indiki hakimiyyətdən xilas etmək lazımdır. Mancqaladze vurğulayıb ki, hər bir gürcü 2024-cü ildə müxalifətin hakim partiya üzərində qələbəsinin bir hissəsinə çevrilə bilər.

Poliqon.info