NATO-nun Baş katibi Yens Stoltenberq Rusiyanın dünyanın ən həssas ölkələrinə ərzaq çatdırmaq məqsədi daşıyan Qara Dəniz Taxıl Təşəbbüsündən çıxmaqla bağlı birtərəfli qərarını pisləyib...
Poliqon xəbər verir ki, bu barədə Yens Stoltenberq şəxsi Twitter səhifəsində yazıb.
“Müttəfiqimiz Türkiyə və BMT-nin səylərinə baxmayaraq, Rusiyanın Qara Dəniz Taxıl Təşəbbüsündən çıxmaqla bağlı birtərəfli qərarını pisləyirəm. Rusiyanın Ukraynaya qarşı qeyri-qanuni müharibəsi dünyada milyonlarla həssas insana zərər verməkdə davam edir”, deyə Alyansın rəhbəri qeyd edib.
Qeyd edək ki, dünən Rusiya Federasiyası Qara Dəniz Taxıl Təşəbbüsündə iştirakını dayandırdığını rəsmən elan edib.
Poliqon.info