Göyçay şəhərində ümumi sahəsi 160 m² (hər mərtəbəsi 80 m²) olan ikimərtəbəli 6 otaqlı evin yanar konstruksiyaları və bitişik ümumi sahəsi 50 m² olan talvarın altında dayanan “VAZ” markalı minik avtomobilinin salonu yanıb.
Bu barədə Fövqəladə Hallar Nazirliyindən bildirilib.
Yanğın zamanı 1 nəfər yanıq xəsarəti alıb.
Talvar, avtomobilin qalan hissəsi və yaxınlıqda olan ev yanğından mühafizə olunub. Yanğın yanğından mühafizə bölmələri tərəfindən söndürülüb.
***
Göyçayda fərdi yaşayış evi yanıb, sahibi xəsarət alıb.
"Report"un Yuxarı Şirvan bürosu xəbər verir ki, hadisə bu gün saat 18:00 radələrində Göyçay şəhərinin İbrahim Göyçaylı küçəsində yerləşən ikimərtəbəli evdə qeydə alınıb.
Hadisə zamanı evlə yanaşı, içərisindəki əşyalar tamamailə yanaraq yararsız hala düşüb. Hazırda yanğınsöndürənlər hadisə yerindədir, alovun yaxınlıqdakı evlərə keçməsinin qarşısını almağa çalışırlar.
Yanğın zamanı ev sahibi Oqtay adlı şəxs yanıq xəsarətləri alıb, hadisə yerinə Göyçay rayon təcili və təxirəsalınmaz tibbi yardım stansiyasının işçiləri cəlb olunub, vətəndaşa tibbi yardım göstərilir.
Hadisənin hansı səbəbdən baş verdiyi hələ ki, məlum deyil. Faktla bağlı araşdırma aparılır.
Poliqon.info
Digərxəbərlər
Populyar xəbərlər
