Milyarder İlon Mask süni intellekti inkişaf etdirmək qərarına gəlib...
ABŞ-da fəaliyyət sahəsi birbaşa süni intellektin (AI) inkişafı ilə bağlı olan xAI adlı şirkət yaradılacaq.
Poliqon xəbər verir ki, bu barədə amerikalı milyarder İlon Mask sosial şəbəkələr vasitəsilə məlumat yayıb.
Mask öz Twitter hesabında yazıb: “Reallığı anlamaq üçün xAI-ın yaradıldığını elan edirik”.
Yeni yaradılan şirkətin rəsmi saytının məlumatına görə, xAI tamamilə müstəqil şirkət olacaq. Bununla belə, yeni şirkət X Corp və Maska məxsus müxtəlif təşkilatlarla birlikdə işləyəcək. Bu əməkdaşlıq müəyyən nəticələrin əldə olunmasına yönəlib. Mask bildirib ki, bu missiyanın mahiyyəti “kainatın əsl mahiyyətini dərk etməkdir”.
Yeni şirkətin rəhbərliyində milyarderin özündən əlavə, süni intellektin yaradılması ilə bağlı çalışmaları olan bir neçə mütəxəssis var. Onlar daha əvvəl GPT-3.5, GPT-4, AlphaStar, AlphaCode və Inception kimi layihələrdə çalışıblar
Mask bildirib ki, iyulun 14-də xAI nümayəndələri ilə açıq söhbətin baş tutacaq. İştirakçılar suallarını tərtibatçılara şəxsən verə biləcəklər.
Poliqon.info