Netanyahu İlon Maskla söhbətindən sonra süni intellekt sahəsində milli siyasətin hazırlanmasını tapşırıb...
İsrailin baş naziri Binyamin Netanyahu iş adamı İlon Mask və süni intellekt platforması hazırlayan “OpenAi” şirkətinin baş direktoru Sem Altmanla telefonla süni intellektin imkanları və təhlükələri barədə danışıb.
Poliqon xəbər verir ki, bu barədə İsrail mediası Baş nazirin ofisinə istinadən məlumat yayıb.
“Yaxın günlərdə həm mülki, həm də təhlükəsizlik sferasında süni intellekt sahəsində milli siyasəti müzakirə etmək üçün beyin mərkəzlərini toplamaq niyyətindəyəm”, deyə Netanyahu söhbətdən sonra verdiyi açıqlamada bildirib.
“İşlər inanılmaz sürətlə dəyişir və İsrail bu məsələ ilə bağlı milli siyasət formalaşdırmalıdır”, deyə Netanyahu əlavə edib.
Qeyd edək ki, Altman bundan əvvəl Fransa prezidenti Emmanuel Makron və İngiltərənin baş naziri Rişi Sunak ilə də görüşüb. Mask mayın sonunda Çinə səfər edib və orada yüksək vəzifəli şəxslərlə bir sıra görüşlər keçirib.
Poliqon.info
Digərxəbərlər
Populyar xəbərlər
