Conson yenidən Makronu ələ saldı - Parodiya...

Böyük Britaniyanın keçmiş baş naziri Boris Conson şəxsi söhbətlərində “Putinin əclaf əlaltısı” adlandırdığı köhnə rəqibi, Fransa prezidenti Emmanuel Makronu yenidən yerdən-yerə vurub.

Poliqon xəbər verir ki, bu barədə Politici nəşrinin məlumatında bildirilir.

Nəşr qeyd edir ki, Conson nahar zamanı saxta fransız ləhcəsi ilə Makronu parodiya edib:

“Düşünürəm ki, mənim fransalı dostum və həmkarım Emmanuel Makron deyib ki, “Putini alçaltmaq olmaz”. Açığı, mən hesab edirəm ki, Vladimir Putini alçaltmaq üçün çox şey lazımdır, deyə Conson Fransa prezidentini ələ salıb.

“Mən düşünmürəm ki, Vladimir Putinin eqosu, siyasi perspektivləri və ya karyera inkişafı ilə bağlı narahat olmaq bizim işimiz deyil”, deyə Conson davam edib.

Respublikaçıların ABŞ-ın Şərqi Avropadakı müharibəyə yox, Çinə diqqət yetirməsi ilə bağlı qorxularına cavab verən Conson deyib ki, Putinin qələbəsi Cənub-Şərqi Asiya, Cənubi Çin dənizi və bütün potensial münaqişə bölgələri üçün dəhşətli nəticələrə səbəb olacaq.

“Bu yaxın onilliklərdə bu böyük dövlətlər arasında müharibəyə yol aça bilər”, deyə Conson qeyd edib.

Poliqon.info