Rusiya Hind-Sakit okean regionunda ABŞ-ı təhdid edən “blok”un bir hissəsinə çevrilib...
Poliqon xəbər verir ki, amerikalı analitik Federico Giuliani InsideOver nəşri üçün yazdığı məqalədə Rusiyanın Hind-Sakit okean regionunda ABŞ-ı təhdid edən “blok”un bir hissəsinə çevrildiyini yazıb.
Müəllif oxucuları coğrafi xəritəyə baxmağa və orada Sakit okeanda “ölüm üçbucağı”nı görməyə dəvət edib. Giuliani qeyd edib ki, söhbət Çin, Şimali Koreya və Rusiyadan gedir.
Giuliani hesab edir ki, Pxenyan və Moskva bölgədə Vaşinqtona təzyiqi artırmaqdan məmnundurlar. Buna görə də, Co Bayden administrasiyası təkcə Ukrayna böhranını deyil, Şərqi Asiyadakı vəziyyəti də nəzarətdə saxlamalıdır.
ABŞ-a qarşı belə təzyiq tədbirlərindən birini Giuliani Rusiya Sakit Okean Donanmasının Uzaq Şərqin sahilyanı rayonlarında keçirdiyi irimiqyaslı təlimlər göstərib.
Culiani əlavə edib ki, indi Vaşinqton üçün “ölüm üçbucağı bütün əzəməti ilə görünür” və ABŞ ordusu öz əməliyyat planlarına yenidən baxmağa məcburdur.
Poliqon.info