Türkiyənin milli müdafiə naziri Hulusi Akar Ukraynanın infrastruktur naziri Aleksandr Kubrakov ilə Kayseri şəhərində görüşüb.
APA-nın İstanbul müxbirinin verdiyi xəbərə görə, bu barədə Türkiyə Milli Müdafiə Nazirliyi məlumat yayıb.
Görüş zamanı Türkiyənin təşəbbüsü ilə yaradılan Taxıl dəhlizinin fasiləsiz fəaliyyət etməsi üçün atılacaq addımlar ətrafında fikir mübadiləsi aparılıb.
Qeyd olunub ki, bu günə qədər 903 gəmi ilə ehtiyacı olan ölkələrə 28,3 milyon ton taxılın təhlükəsiz çatdırılmasını təmin edilib.
Akar Ukraynada daha çox insan ölümünün qarşısının alınması, regionda sülh və sabitliyin bərpası üçün təcili atəşkəs elan edilməsinin vacibliyini vurğulayıb.
Bundan əlavə, türkiyəli nazir ölkəsinin regionda sülhün bərpa olunması və humanitar addımların atılmasında bundan sonra da üzərinə düşən vəzifəni yerinə yetirəcəyini də bildirilib.
Poliqon.info
Digərxəbərlər
Populyar xəbərlər
