Həddindən artıq dolu həbsxanalar “Şabak”ın terrorda şübhəli bilinənləri həbs etməsinə mane olur...
İsrail təhlükəsizlik xidmətləri səlahiyyətlilərə həbsxanaların həddən artıq dolu olduğuna işarə edir.
Poliqon xəbər verir ki, u barədə “The Times of Israel” qəzeti məlumat yayıb. Nəşr yazır ki, həbsxanada yer çatışmazlığı “Şabak”ın terrorizmlə əlaqədə şübhəli bilinən çoxlu sayda İordan çayının qərb sahilində fələstinlilərin həbsindən əl çəkməsinə səbəb olub.
Qəzet təhlükəsizlik agentliyinin ölkənin siyasi liderlərinə göndərdiyi məktuba istinad edir. Sənəddə qeyd olunub ki, “həbs yerlərinin davamlı və artan çatışmazlığı “Şabak”ın həbsləri həyata keçirməsinə mane olur”.
Məktubda həmçinin xəbərdarlıq edilib ki, çətin vəziyyət “yerdə təhlükə səviyyəsinin artmasına səbəb olacaq”.
Qeyd edək ki, mart ayında “Şabak” rəhbəri Ronen Bar Nazirlər Kabinetinə bildirib ki, agentlik daha yüksək təhlükə səviyyəsi olan məhbuslara yer açmaq üçün təxminən 40 fələstinlini bir ay əvvəl inzibati həbsdən azad edib. Bu hərəkətdən qəzəblənən Milli Təhlükəsizlik Naziri İtamar Ben-Qvir Baruya deyib ki, həbsxana çatışmazlığı olarsa, inzibati qaydada saxlanılan yəhudiləri buraxılmalıdır.
“The Times of Israel” qeyd edir ki, “İnzibati Həbs” İsrail qüvvələri tərəfindən Fələstinli (və daha az yəhudi) terror şübhəlilərini heç bir ittiham və mühakimə olmadan, çox vaxt aylarla vəkildən istifadə etmədən həbs etmək üçün istifadə edilən mübahisəli bir vasitədir. Bu vasitə adətən səlahiyyətlilər şübhəli şəxsi cinayətlə əlaqələndirən kəşfiyyata malik olduqda istifadə olunur, lakin məhkəmədə ittiham irəli sürmək üçün kifayət qədər sübut olmur.
Poliqon.info