Nərçə Ağayevin 85 illiyi münasibətilə məzarı önündə anım tədbiri keçirilib - Fotolar

Anım mərasimində Xalq şairi Sabir Rüstəmxanlı, istiqlalçı millət vəkili Mirmahmud Mirəlioğlu, professorlar Vəli Əsmətov, Misirxan Talıbov, şair-publisist Elman Eldaroğlu, Yardımlı əsilli ziyalılar və ailə üzvləri iştirak ediblər.

Millət vəkili Sabir Rüstəmxanlı, Mirmahmud Mirəlioğlu, prof. Vəli Əsmətov çıxış edərək el ağsaqqalı Nərçə Ağayev haqqında xatirələri, onun gördüyü işlər və xidmətlərindən danışıblar.

Nərçə Ağayev Azərbaycan Neft-Kimya İnstitutunu bitirib. “Sintezkauçuk” zavodunda müxtəlif vəzifələrdə çalışıb. 1974-cü ildən 1990-cı ilədək – 16 il Superfosfat zavodunda direktor işləyib. 1990-cı ildə “Azərkəndkimya” istehsalat birliyinin sədri təyin olunub və altı il bu vəzifədə çalışıb. Sonrakı illərdə “Sintez” İstehsalat Servis və Kommersiya Assosiasiyasının baş direktoru, “Məişət kimyası” zavodunun direktoru, 1998-ci ildən isə “Azərikimya” Dövlət Şirkətində vitse-prezident vəzifəsini icra edib. SSRİ-nin fəxri kimyaçısı, Respublikanın Əməkdar mühəndisi, Azərbaycanın Maarif əlaçısı fəxri adlarına layiq görülüb, “Qırmızı Əmək Bayrağı” ordeni ilə təltif olunub. Texnika elmləri namizədi Nərçə Ağayev 20 ixtiranın, 60-dan çox səmərələşdirici təklifin müəllifi idi…

Poliqon.info