Rusiyanın büdcə kəsiri ilin ilk iki ayında kəskin artıb, lakin son bir ayda xərclər daha yavaş templə artıb…
Bazar ertəsi Rusiya Maliyyə Nazirliyi bildirib ki, büdcə kəsiri 2,58 trilyon rubla (34 milyard dollar) çatıb. Aylıq ümumi məbləğlər açıqlanmasa da, fevralda xərclər yanvar ayına nisbətən 3,12 trilyon rubl az görünür. Büdcə ciddi şəkildə pul itirsə də, nazirlik hələ də cari il üçün kəsiri hədəf daxilində saxlamağa çalışdığını bildirib. Maliyyə Nazirliyi bu il xərclərin artımını böyük ilkin xərclərlə əlaqələndirib.
Poliqon.info xəbər verir ki, bu barədə Bloomberg Economics-in məlumatında bildirilir.
“Kəsirin azalmasının əsas səbəbi ilin ilk ayında həddindən artıq böyük xərclərdən sonra dövlət xərclərinin 15 faiz azalmasıdır. Bununla belə, daxili suveren istiqrazların gəlirliliyi 11%-dən yuxarı qalxdığından və qeyri-neft gəlirləri azalmaqda davam etdiyindən Moskva üçün gəlir və xərclərini tarazlaşdırmaq çətin olacaq”, deyə rusiyalı iqtisadçı Aleksandr İsakov Bloomberg Economics-ə bildirib.
Bloomberg Economics yazır ki, ABŞ və müttəfiqləri tərəfindən tətbiq edilən sanksiyalar və digər məhdudiyyətlər son bir neçə ayda qüvvəyə mindiyi üçün ölkənin enerji ixracı gəlirlərinə ciddi zərbə vurub. Qeyri-enerji gəlirləri yanvarda 28% azalmadan 9% azalıb. Bu il federal büdcə kəsirinin ÜDM-in 3-4%-i olacağını gözlənilir. Rusiya Maliyyə Nazirliyi vergilərin hesablanmasında istifadə edilən neftin qiymətinin müəyyən edilməsi düsturuna edilən dəyişikliklərin xüsusilə ilin ikinci yarısında büdcə vəziyyətinin yüngülləşdirilməsinə kömək edəcəyini bildirib.
Maliyyə Nazirliyi büdcə kəsirinin səbəbi kimi “Urals” neftinin qiymətinin aşağı düşməsini və təbii qaz ixracının azalmasını göstərib. Fevral ayında Rusiya neftinin ixrac qiymətlərinin obyektiv qiymət göstəricisi kimi “Urals” neftinin qiymət kotirovkalarının reprezentativliyinin azalması nəzərə alınaraq, müvafiq vergilərin vergitutma bazasının müəyyən edilməsi mexanizmi dəqiqləşdirilib. Nazirlik vergi qanunvericiliyində qəbul edilmiş dəyişikliklərin neft sektorundan vergi daxilolmalarının mərhələli şəkildə - xüsusilə bu ilin ikinci yarısında bərpasına töhfə verəcəyini gözləyir.
Rusiyadan dəniz yolu ilə xam neft ixracı əvvəlki həftələrin ən yüksək göstəricilərindən kəskin şəkildə aşağı düşüb, çünki Moskva ölkənin Sakit okean limanlarından maksimum neft axınını davam etdirə bilməyib. Bloomberg qeyd edir ki, cümə gününə qədər yeddi gün ərzində ümumi daşınma əvvəlki həftədən 14% azalaraq sutkada 3,11 milyon barelə düşüb. Bu daha az dəyişkən dörd həftəlik ortalamadan da azdır.
Tərcümə Poliqon-a aiddir
Poliqon.info