Gürcüstan parlamenti “xarici agentlər” haqqında sərt və yumşaq qanun layihələrini nəzərdən keçirəcək…
“Xarici təsir agentləri haqqında” hər iki qanun layihəsi Gürcüstan parlamentinin plenar iclasında müzakirəyə çıxarılacaq.
Poliqon.info xəbər verir ki, bu barədə hakim “Gürcü arzusu” partiyasının icraçı katibi Mamuka Mdinaradze martın 6-da keçirdiyi brifinqdə bildirib.
O, qeyd edib ki, bir sıra müxalifət partiyalarının və qeyri-hökumət təşkilatlarının nümayəndələrinin sərt müqavimətinə baxmayaraq, qanun layihələri parlamentin müvafiq komitələrində müzakirəyə qəbul edilib.
“Bu günlərdə bir neçə isti günlər keçirdik və görünür, bu, bütün həftə belə olacaq”, deyə Mdinaradze vurğulyıb.
Partiya funsioneri əlavə edib ki, bu təşəbbüsün əleyhdarlarının hansı spekulyativ bəyanatlar səsləndirdiyini görərək, “xarici agentlər haqqında qanun”un qəbul edilməsinin zəruriliyinə bir daha əmin olub.
“Əslində bu qanun layihəsi Amerika qanununun birbaşa tərcüməsidir, kopyalanmış versiyadır, ancaq bunu çoxları Rusiya qanunu adlandırır”,deyə Mdinaradze əlavə edib.
Onun fikrincə, qanunun qəbul edilməsində məqsəd “xarici təsir agentləri” adlandırılanları maliyyələşdirmə ilə bağlı hesabat verməyə məcbur etməkdir.
Xatırladaq ki, Gürcüstan parlamentinə “xarici agentlər”lə bağlı iki qanun layihəsi təqdim olunub. Birinci versiya daha yumşaqdır, ona görə yalnız gəlirlərinin 20%-dən çoxunu xaricdən alan QHT və ya media başqa ölkələrin agentləri kimi tanınır. Hesabat verməməyə görə cəza var.
Qanun layihəsinin əleyhdarları onu “rus qanunu” adlandırmağa başlayanda Gürcüstan parlamentinə Amerika qanununu təkrarlayan sərt versiya təqdim edildi. Bu layihədə fiziki şəxs və ya hər hansı təşkilat başqa ölkədən aldığı vəsaitin məbləğindən asılı olmayaraq “xarici agent” kimi də tanınır. Maliyyə hesabatı verilməməsi halında isə beş ilədək həbslə cəzalandırılır.
Poliqon.info
Digərxəbərlər
Populyar xəbərlər
