Rusiyanın müdafiə naziri üçüncü gündür ki, Ukrayna Silahlı Qüvvələrinin hücumunun başlaya biləcəyi cəbhə xəttlərinə baş çəkir…
Rusiyanın müdafiə naziri Sergey Şoyqu son üç gündə iki dəfə Donetsk vilayətinə səfər edib.
Poliqon.info xəbər verir ki, bununla bağlı hərbi bloggerlər Ukrayna Silahlı Qüvvələrinin Melitopol və ya Mariupola mümkün hücumu barədə yazmağa başlayıblar.
Bazar ertəsi Müdafiə Nazirliyi Şoyqunun Mariupola səfər etdiyini bildirib. O cümlədən, nazirlik Şoyqunun helikopterdə, şəhərin küçəsində və tibb məntəqəsinin binasında olduğu kadrları nümayiş etdirib.
Martın 4-də Müdafiə Nazirliyi bəyan edib ki, Şoyqu “xüsusi əməliyyat” zonasına səfər edib, o cümlədən “Vostok” qoşun qruplaşmasının Cənubi Donetsk istiqamətindəki birləşmələrindən birinin irəli idarəetmə məntəqəsinə baxış keçirib və ordu komandiri Rüstəm Muradovun məruzəsini dinləyib. Qeyd edilir ki, ki, Uqledarı uğursuz hücum həyata keçirən ordu birləşməsi məhz Muradovun “Vostok” qoşun qruplaşması olub.
Rusiya Müdafiə Nazirliyinin məlumatına görə, bazar günü Şoyqu “xüsusi əməliyyat” zonasında qrupların komandirləri ilə görüş keçirib. Müdafiə Nazirliyi görüşün harada keçirildiyini dəqiqləşdirməyib. Bununla belə, Müdafiə Nazirliyinin dərc etdiyi videonun təhlili göstərir ki, görüş Cənub Hərbi Dairəsinin Rostovdakı qoşunlarının qərargahında keçirilib.
Amerikanın Müharibə Araşdırmaları İnstitutu (ISW) şənbə günü yazıb ki, Şoyqunun “Vostok” qoşunlar qrupunun komanda məntəqəsinə səfəri Müdafiə Nazirliyinin rəhbərliyinin Baş Qərargah rəisi və Ukraynadakı Silahlı Qüvvələrin komandanı Valeri Gerasimova etibar etmədiyini göstərə bilər. Analitiklər qeyd ediblər ki, məhz Gerasimov belə bir səfər etməli və ya ən azından Şoyqunu müşayiət etməli idi. Bildirilir ki, Müdafiə nazirinin Donbasa səfəri Baş Qərargah rəisinin mövqeyini sarsıda bilər.
Amma ola bilsin ki, Şoyqunun Donetsk vilayətinin cənubuna səfərlərinin başqa izahı var. Rusiyanın Telegram kanalları Ukrayna Silahlı Qüvvələrinin mümkün hücum istiqamətini müzakirə etməyə başlayıb. “WarGonzo” teleqram kanalının yaradıcısı Semyon Pegov etiraf edir ki, Mariupol Ukrayna Silahlı Qüvvələrinin hədəfinə çevriləcək. Eyni zamanda, özünü elan edən DXR-in keçmiş dövlət təhlükəsizliyi naziri Aleksandr Xodakovski yazıb ki, Kiyev çox güman ki, Rusiya ordusunun lotəminatını pozmaq üçün 200 kilometr aralıda yerləşən Melitopola hücuma hazırlaşır.
Qeyd edək ki, keçən ilin sonundan başlayaraq Kiyev yazda hücuma keçmək üçün Qərbdən ağır silahlar almağa çalışır. Ukrayna Silahlı Qüvvələrinin başçısı Valeri Zalujnı xüsusilə Melitopolun yerləşdiyi Zaporojye vilayətinə hücum planlarından danışıb. Ukrayna hərbi kəşfiyyatının rəhbəri Kirill Budanov ilin əvvəlində Ukrayna Silahlı Qüvvələrinin yazda hücuma keçməyi planlaşdırdığını bildirib. O, qeyd edib ki, hücum cəbhəsi Krımdan Donbasa qədər uzanacaq.
Poliqon.info