Britaniyanın sabiq Baş naziri NATO-nun baş katibi vəzifəsinə namizədliyini irəli sürdüyünü bildirib...
Poliqon.info xəbər verir ki, Böyük Britaniyanın keçmiş baş naziri Boris Conson Rada telekanalına müsahibəsində NATO-nun baş katibi vəzifəsinə namizədliyini irəli sürdüyünü bildirib.
“Mən özümü namizəd kimi görürəm. Bu, çox yaxşı mövqedir, vacib bir mövqedir. NATO indi həmişəkindən daha güclüdür”, deyə Conson vurğulayıb.
Keçmiş baş nazirin sözlərinə görə, Ukrayna gələcəkdə NATO-ya daxil olacaq.
Bundan başqa Sky News-a müsahibə verən siyasətçi Britaniyanı “buzları sındırmağa” və Kiyevin tələb etdiyi Ukraynaya döyüş təyyarələri göndərməyə çağırıb.
Qeyd edək ki, NATO-nun hazırkı baş katibi Yens Stoltenberqin səlahiyyət müddəti payızda başa çatır və o, səlahiyyət müddətini uzatmağı planlaşdırmadığını bildirib. O, doqquz ilə yaxındır ki, bu vəzifədə çalışır və artıq səlahiyyətlərini üç dəfə uzadıb.
Boris Conson ötən ilin iyulunda bir sıra qalmaqallar fonunda Britaniyanın Baş naziri vəzifəsindən istefa verib.
Poliqon.info