Türkiyə hakimiyyəti bu ilin mayında keçiriləcək prezident və parlament seçkilərini təxirə salacaq…
Poliqon.info xəbər verir ki, bu barədə Türkiyənin Habertürk nəşri mənbələrə istinadən məlumat yayıb.
Nəşr yazır ki, Türkiyə hakimiyyəti bu ilin mayında keçiriləcək prezident və parlament seçkilərini təxirə salmağa razı ola bilər. Habertürk-ün köşə yazarı Fatih Altaylanın fikrincə, hakim partiya genişmiqyaslı zəlzələ fonunda bu məsələyə ciddi yanaşır.
“Seçkilərlə bağlı qərar veriləcək. Daha sonra Ali Seçki Komissiyası dörd rayonda tam, altı rayonda isə qismən (zəlzələlərin nəticələrinə görə) seçkilərin keçirilməsinin faktiki olaraq qeyri-mümkün olduğunu bəyan edəcək və seçkilərin təxirə salınmasını xahiş edəcək”, deyə Altaylı bildirib.
Fatih Altayının qeyd edib ki, səsvermə ən azı altı ay, ən pis halda isə bir il təxirə salına bilər. O, həmçinin əlavə edib ki, bunun üçün hakimiyyət analoji vəziyyətlə bağlı Konstitusiya Məhkəməsinin köhnə qərarlarından birindən istifadə edəcək.
Qeyd edək ki, bir müddət əvvəl Türkiyə Böyük Millət Məclisinin eks-spikeri və keçmiş baş nazirin müavini Bülənt Arınç may ayına təyin edilmiş ümumi seçkilərin dərhal təxirə salınmasının vacibliyini bildirmişdi.
Poliqon.info